کراچی(این این آئی)گلزار ہجری میں واقع پرانے فرنیچر کی مارکیٹ میں لگنے والی آگ سے پچیس سے زائد دکانیں جل کر خاکستر ہوگئیں جس سے بھاری مالیت کا نقصان ہوا۔تفصیلات کے مطابق کراچی میں ایک اور آتشزدگی کا واقعہ پیش آیا، گلزار ہجری میں پرانے فرنیچر کی مارکیٹ میں اچانک آگ بھڑک اٹھی، جس نے کئی دوکانوں کو اپنی لپیٹ میں لے لیا۔دکان مالکان نے بتایا کہ اطراف سے پٹاخہ مارکیٹ میں گرا، جس سے آگ لگی جبکہ مالکان نے فائر بریگیڈ کے دیر سے پہنچے کا بھی دعوی کیا۔
مارکیٹ میں پچاس سے زائد دوکانوں میں سے پچیس سے زائد آگ لگنے کے باعث جل کر خاکستر ہوگئیں۔سینئرڈائریکٹرمیونسپل سروسزانوربلوچ نے بتایا کہ بر وقت فائربریگیڈعملہ پہنچا، جس سے نقصان کم ہوا، فائربریگیڈکی چھ گاڑیوں کی مددسیآگ پرقابوپایاگیا تاہم آگ لگنے کی وجوہات فی الحال معلوم نہ ہوسکیں۔
