اسلام آباد(آئی این پی)مسلم لیگ (ن) نے اپنے ماضی کے اسیر رہنمائوں کو نہ بھولنے کا پیغام دیا لیکن خود اپنے سابق وزیر خزانہ مفتاح اسماعیل کو بھول گئی۔حکمران جماعت مسلم لیگ (ن) کے ٹوئٹر اکانٹ پر رہنمائوں کی گرفتاری کی تصاویر لگا کر ہم بھولے نہیں، نہ بھولنے دیں گے کا پیغام سب تک پہنچایا۔لیکن مفتاح اسماعیل کی گرفتاری یاد نہ رہی۔سابق وزیر خزانہ مفتاح اسماعیل کو 7 اگست 2019 کو ایل این جی کیس میں گرفتار کیا گیا تھا اور انہیں 27 دسمبر 2019 کو ضمانت پر رہائی ملی تھی۔خیال رہے کہ مفتاح اسماعیل اور ن لیگ کے درمیان اختلافات کی خبریں سامنے آئی ہیں۔