لاہور( این این آئی )چیف جسٹس لاہور ہائیکورٹ جسٹس محمد قاسم خان نے جعلی چیک کے مقدمہ میں ملزم کی گرفتاری نہ ہونے پر برہمی کا اظہار کرتے ہوئے ریمارکس دئیے کہ آئی جی صاحب آپ کو اس لئے نہیں بلوایا کہ آپ مزید مہلت لے لیں ۔ چیف جسٹس لاہور ہائیکورٹ جسٹس محمد قاسم خان نے جعلی چیک کے مقدمہ ملزمہ سمیرا عندلیب کی درخواست ضمانت پر سماعت کی ۔ آئی جی پنجاب اور دیگر اعلیٰ افسران عدالت میں پیش ہوئی ۔ فاضل عدالت کو بتایا گیا کہ خاتون کا شوہر بھی جعلی چیکس کا ملزم ہے

لیکن وہ گرفتار نہیں ۔چیف جسٹس قاسم خان نے ملزم کی عدم گرفتاری پر برہمی کا اظہار کرتے ہوئے کہا کہ آئی جی صاحب آپ کو اس لئے نہیں بلوایا کہ آپ مزید مہلت لے لیں،آپ لکھ کر دیدیں کہ پنجاب پولیس جعلی چیک کے معمولی ملزم کو گرفتار نہیں کر سکتی ،مجھے رزلٹ چاہیے ،یہ کون سا کوئی بہت بڑا گینگ ہے جس کو آپ پکڑ نہیں سکے ۔تفتیشی افسران نے کہا کہ خاتون کے خلاف 50لاکھ روپے کا جعلی چیک کا مقدمہ ہے ۔ فاضل عدالت نے خاتون ملزمہ کی درخواست ضمانت خارج کردی۔