اسلام آباد(مانیٹرنگ ڈیسک)فیصل آباد کے محلہ اشرف آباد سے 15 افراد 2نو عمر بہنوں کو اغوا کر کے 6دن تک اجتماعی زیادتی کا نشانہ بناتے رہے۔ ملزموں نے ان کی تصاویر اور فحش فلمیں بھی بنا لیں۔

بااثر ملزموں کی طرف سے پیچھا نہ چھوڑنے پر والدہ کی طرف سے 15 ملزموں کیخلاف مقدمہ درج کرادیا گیا۔ روزنامہ جنگ کے مطابق ملزم انہیں مختلف مقامات پر رکھ کر نشہ آور مشروب پلا کر اجتماعی زیادتی کا نشانہ بناتے رہے۔ ملزموں نے ان کی تصاویر بنانے کے علاوہ ویڈیوز بھی بنا لیں۔ 7 دن بعد (آ)کو جھنگ بازار کے علاقہ اور اگلے روز (ل)کو گوجرانوالہ چھوڑ کر فرار ہو گئے۔غریب والدین قانونی کارروائی کی سکت نہ رکھنے کی وجہ سے مکان ہی چھوڑ گئے مگر ملزموں نے ان کا وہاں بھی پیچھا نہ چھوڑا۔ متاثرہ لڑکیوں پر آتے جاتے آوازیں کستے اور ویڈیو بنانے لگے۔ 6دن قبل دونوں بہنیں والدہ کے ہمراہ ملت روڈ پر جا رہی تھیں کہ ملزم ان کی پھر ویڈیو بنانے لگے۔ منع کرنے پر ماں بیٹیوں پرتشددکر کے فرار ہوگئے۔پولیس تاحال ملزموں کو گرفتار کرنے میں کامیاب  نہ ہوسکی ۔