شیخ رشید نے ریلوے کو کباڑہ بنادیا، رانا ثناء اللہ نے وفاقی وزیر کو فسادی، بربادی اور تباہی کا فارمولہ قرار دیدیا،شدید تنقید

  ہفتہ‬‮ 24 اکتوبر‬‮ 2020  |  20:06

لاہور(این این آئی) مسلم لیگ (ن) پنجاب کے صدر رانا ثنا اللہ نے کہا ہے کہ شیخ رشید نے ریلوے کو کباڑہ بنادیا ہے،کبھی یہ شخص نیب کا ترجمان بنتا ہے اورکبھی اداروں اور کبھی حکومت کا۔ اپنے بیان میں انہوں نے کہا کہ کراچی واقعے کے بعدعلی بابا اور چالیس چوروں کے ٹولے کی ڈرامے بازی کی حقیقت عیاں ہوگئی ہے،حکومت خود تو متنازعہ ہے،یہ اداروں کو بھی متنازعہ کرنے کی گھناؤنی سازش کررہی ہے،شیخ رشید جیسا آدمی فسادی،بربادی اور تباہی کا فارمولہ ہے،عمران نیازی نے اس کو رکھا ہی مغلظات اور فضولیات بکنے کیلئے ہے،اس کی باتوں کو


نہ تحریک انصاف سنجیدہ لیتی ہے اور نہ عوام۔ انہوں نے کہا کہ کراچی واقعے نے کٹھ پتلی حکومت کو بے نقاب کردیا ہے،یہ کرائے کا ترجمان ہر روز دہشتگردی کی دھمکیاں دے رہا ہے،کراچی واقعے کے بعد یہ ڈرامہ سیریل کا پارٹ ٹو ہے،عمران نیازی اور اس کے خوشامدی ترجمانوں میں زرا بھی غیرت ہے تو چلو بھر پانی میں ڈوب مریں،شیخ رشید جیسا کم ظرف شخص عورت کی عزت اور احترام کو سمجھ ہی نہیں سکتا۔


موضوعات:

زیرو پوائنٹ

ترکی کا ابن بطوطہ

آپ اگر حضرت ابو ایوب انصاریؓ کے مزار سے اتاترک برج کی طرف آئیں تو آپ کو پُل سے پہلے بائیں جانب ایک چھوٹی سی قدیم مسجد دکھائی دے گی‘ یہ مسجد چلبی کہلاتی ہے اور اس مناسبت سے اس پورے علاقے کا نام چلبی ہے‘ چلبی کون تھا؟ یہ تاریخ کا انتہائی دل چسپ کردار تھا‘ پورا ....مزید پڑھئے‎

آپ اگر حضرت ابو ایوب انصاریؓ کے مزار سے اتاترک برج کی طرف آئیں تو آپ کو پُل سے پہلے بائیں جانب ایک چھوٹی سی قدیم مسجد دکھائی دے گی‘ یہ مسجد چلبی کہلاتی ہے اور اس مناسبت سے اس پورے علاقے کا نام چلبی ہے‘ چلبی کون تھا؟ یہ تاریخ کا انتہائی دل چسپ کردار تھا‘ پورا ....مزید پڑھئے‎