اسلام آباد(مانیٹرنگ ڈیسک) وزیر اطلاعات پنجاب فیاض الحسن چوہان نے انکشاف کیا ہے کہ مسلم لیگ ن کی نائب صدر مریم نواز کے 55 لاکھ میں سے 80 فیصد ٹوئٹر فالوورز جعلی ہیں ۔میڈیا رپورٹس کے مطابق انہوں نے کہا ہے کہ بیگم صفدر اعوان کے تقریباً ایک ملین فالوورزکا اپنا کوئی فالوور نہیں ۔
کیلیبری کوئین کے 1898 فالوورز نے ایک ہی دن ٹوئٹر اکائونٹس بنائے ، 5.5 ملین میں سے تقریباً 5.19 ملین فالوورزنے بیگم صفدرکاکوئی ٹوئٹ کبھی لائیک نہیں کیا ، بیگم صفدر اعوان کے فالوورز میں سے 2.37 ملین ڈیڈ ہیں ، ان کے تقریباً 1.4 ملین ٹویٹر فالوورز کے 2سے 5فالوورز ہیں، جب کہ بیگم صفدر اعوان کے تقریبا ًایک ملین فالوورزکااپناکوئی فالوورنہیں ،کیلیبری کوئین بیگم صفدر اعوان کی چالاکیوں سے عوام واقف ہے، بیگم صفدراعوان کے ٹوئٹراکائونٹ پرلاکھوں جعلی فالورزاچنبھے کی بات نہیں، کیوں کہ دھاندلی اور شریف خاندان ایک دوسرے کیلئے لازم و ملزوم ہو چکے ، اسی لیے بیگم صفدر اعوان نے لوگوں کی آنکھوں میں دھول جھونکنے کی ناکام کوشش کی ۔دوسری جانب پاکستان مسلم لیگ ن کی مرکزی نائب صدر مریم نواز نے کہا ہے کہ سلیکیٹڈ حکومت سے نجات حاصل کرنے کے لیئے اپوزیشن اور عوام ایک پچ پر ہیں، نااہل حکومت کے نااہل ترجمان اور حواری ٹولہ ن لیگ کے حوالے سے زہر اگل رہے ہیں ۔
ن لیگ سے ش نکلنے کی باتیں کرنے والوں کی پنی چیخیں نکل رہی ہیں، بائیس کروڑ عوام کے دلوں کے وزیر اعظم آج بھی میاں نواز شریف ہیں، اپنی اہلیہ کو بستر مرگ پر چھوڑ کر بیٹی کو ساتھ لے کر جیل جانے والے میاں نواز شریف کو نااہل حکومت سے حب الوطنی کا سرٹیفکیٹ لینے کی ضرورت نہیں ہے ،اپوزیشن اتحاد میں انتشار کی باتیں کرنے والے احمقوں کی جنت میں رہتے ہیں۔
