اسلام آباد (مانیٹرنگ ڈیسک ) لاہور موٹروے کیس میں پنجاب پولیس تاحال مرکزی ملزم عابد علی کو گرفتار کرنے میں ناکام ہے ، واقعے کو 13دن گزر گئے ، ملزم پولیس کیلئے چھلاوا بن گیا ۔ تفصیلات کے مطابق پنجاب پولیس نے عابد علی کی گرفتاری کے لیے پمفلٹ تیار کرلیا ،

گرفتاری میں مدد دینے والوں کےلیے پمفلٹ میں 25 لاکھ کا انعام بھی درج ہیں۔لاہور موٹروے کیس کا مرکزی ملزم عابد تاحال پنجاب پولیس کی گرفت میں نہ آسکا، پولیس نے عابد علی کے 2 متوقع حلیہ جات کی تصاویر پمفلٹ پر لگا دیں اور گرفتاری کی اطلاع کے لیے 2 موبائل نمبرز بھی جاری کئے ہیں، ایس پی سی آئی اے لاہورعاصم افتخار اور ڈی ایس پی حسنین حیدر کے نمبردرج ہے۔دوسری جانب ملزم عابد علی کی گرفتاری سے آگاہی کی ویڈیو جاری کی گئی ہے، مراسلے میں کہا گیا ہے کہ ملزم درباروں،مزاروں ،مساجد ،امام بارگاہوں میں روپوش ہوسکتاہے، ملزم کوعرس،سرکس سمیت دیگر عوامی مقامات پرتلاش جاری رکھی جائے