اسلام آباد(آن لائن ) حکومت نے پاکستان سیٹیزن پورٹل کے دائرہ کار کو بڑھانے کا فیصلہ کیا ہے ۔ وزیراعظم عمران خان کا پاکستان سیٹیزن پورٹل تک عوام کی رسائی بڑھانے کا حکم جاری کردیا ہے ۔ وزیر اعظم کی ہدایت پر پاکستان سیٹیزن پورٹل ویب

سروس تیار ہے ۔ معاون خصوصی زلفی بخاری نے سیٹیزن پورٹل ویب سروس کا افتتاح کردیا ۔وزیر اعظم آفس سے جاری بیان کے مطابق پاکستان سیٹیزن پورٹل کی توسیع سے مزید 8 کروڑ پاکستان مستفید ہوسکیں گے۔ اس سے قبل یہ سہولت 3 کروڑ 50 لاکھ پاکستانیو کو میسر تھی۔عوام کی 8600 اداروں تک اپنی شکایات کے اندراج کے لیے رسائی مکمن ہو ۔ پاکستان سیٹیزن پورٹل ایپ کو آئندہ ورلڈ گورنمنٹ سمٹ میں بھی پیش کرنے کا فیصلہ کیا گیاہے ۔وزیر اعظم آفس کا کہناہے کہ پورٹل ایپ پراب تک 28 لاکھ لوگوں کو رجسٹر کیا جا چکا ہے۔