لاہور (آن لائن) انسداد دہشت گردی کی خصوصی عدالت نے پاکستان مسلم لیگ (ن) کے 3 رہنمائوں فرزانہ بٹ، محمد ذیشان اور صلاح الدین کی جانب سے دائر کردہ درخواست عبوری ضمانت کو منظور کرتے ہوئے تینوں ملزمان کی 14 ستمبر تک
عبوری ضمانت منظور کرلی ہے اور تھانہ چوہنگ پولیس سے آئندہ پیشی پر رپورٹ طلب کرلی ہے تینوں (ن) لیگی رہنمائوں پر چند روز قبل نیب لاہور آفس کے باہر توڑ پھوڑ کرنے کا الزام عائد ہے جبکہ تھانہ چوہنگ نے ان کے خلاف مقدمہ درج کر رکھا ہے۔
