اسلام آباد (مانیٹرنگ ڈیسک)شیخ رشید احمد کا ایک اور دلی خواہش کا اظہار ۔لاہور میں اپنی کتاب ’’لال حویلی سے اقوام متحدہ تک‘ ‘کی تقریب رونمائی سے خطاب میںوفاقی وزیرریلوے شیخ رشید نے کہا کہ میں مرنے سے قبل ایک اور کتاب ضرور لکھوں گا۔
نجی ٹی وی رپورٹ کے مطابق انہوں نے مزید کہا کہ چاہے میری وہ کتاب مرنے کے بعد ہی شائع کیوں نہ ہو۔شیخ رشید نے یہ بھی کہا کہ میں نے 40 سال قبل چوہدری سرور کو کہا تھا کہ آپ کو پاکستان کی سیاست میں دیکھ رہا ہوں۔ان کا کہنا تھا کہ ہم وزارتوں کے بھوکے نہیں، غریب کی آواز ہیں، میں وہ واحد شخص ہوں کہ جس نے 14 وزارتیں سنبھالیں اور کرپشن کا ایک داغ بھی نہیں۔وفاقی وزیر ریلوے نے یہ بھی کہا کہ وزیراعظم عمران خان کی قیادت میں پاکستان ترقی کرے گا۔تقریب سے خطاب میں گورنر پنجاب چوہدری سرور کا کہنا تھا کہ شیخ رشید کی اکثر پیش گوئیاں درست ثابت ہوتی ہیں۔انہوں نے مزید کہا کہ وزیراعظم عمران خان کی قیادت میں ملک کا مستقبل محفوظ ہاتھوں میں ہے۔
