اسلام آباد ( آ ن لائن ) وزیراعظم کے معاون خصوصی ڈاکٹر شہباز گل نے کہا ہے کہ مسلم لیگ (ن) اور پیپلز پارٹی حکومت سے بار بار ڈیمانڈ کر رہی ہے کہ عاملہ 2010 میں سے نیب کا ذکر ہٹا دیا جائے۔ثبوت بہت دیئے ہیں مگر پھر شیروں کی کمر میں درد شروع ہو جاتا ہے،
ترجمان ن لیگ مریم اورنگزیب کے ٹویٹ کے ردعمل میں جوابی ٹویٹ کرتے ہوئے وزیراعظم کے معاون خصوصی نے کہا کہ اگر حکومت یہ مان لے تو شہباز شریف اور ان کے خاندان اور پی پی کے منی لانڈرنگ کیس تقریباً ختم ہو جائیں گی۔انہوں نے کہا کہ ثبوت بہت دیئے ہیں مگر پھر آپ کے شیروں کی کمر میں درد شروع ہو جاتی ہے اور پھر ان کی زندگی خطرے میں پڑتی ہے آخر کار وہ دوائی لینے لندن بھاگ جاتے ہیں، جھوٹ بول کر آپ کو اتنی عادت ہو گئی ہے کہ اب تو بغیر شرمندگی کہ آپ روانی سے جھوٹ بول سکتی ہیں ۔
