اسلام آباد (مانیٹرنگ ڈیسک)سینئر تجزیہ کار رانا جواد نے نجی ٹی وی پروگرام میں کہا ہے کہ بہت سارے لوگ یہ کہہ رہے تھے کہ شاید پنجاب میں تبدیلیاں نہ ہوں ۔ جبکہ میں نے بہت سے وفاقی وزراء کے بیانات بھی سنے ہیں ۔ میرے پاس جومصدقہ اطلاعات ہیں وہ یہ ہیں کہ پنجاب میں بڑے پیمانے پر بریک تھرو ہونے جارہا ہے ، ایسی تبدیلیاں ہونے جارہی ہیں جو غیر متوقع تھیں جن کے حوالے سے
لوگ شرطیں لگا رہے تھے کہ ایسا نہیں ہو گا ، میری اطلاعات یہی ہیں کہ اسی اگست کے مہینے میں یہ جو ہفتہ ہے بہت اہم ہے ۔ اسی مہینے میں پنجاب کے اندر حکومتی سطح پر وزراء ، مشیروں ، بڑے بیورو کریٹس کی بڑے پیمانے تبدیلیاں ہونگی ۔ ان تبدیلیوں کے حوالے سے حتمی فیصلہ کر لیا گیا ہے ۔ معروف تجزیہ کار کا کہنا تھا کہ ایسی موقعے کر کوئی دوسرا مرحلہ نہ آجائےکہ یہ معاملہ کچھ دنوں کیلئے التواء کا شکار ہو جائے لیکن ایسا ہوتا کچھ نظر نہیں آرہا ۔ ذرائع نے تو یہ کہا ہے کہ کچھ تبدیلیاں ایسی ہیں جن کے حوالے سے وزیراعظم کو ایسی شکایات گئی ہیں ایسے ڈاکومنٹس دیئے گئے ہیں ،کہ وزیراعظم خود انہیں دیکھ کر پریشان ہوئے ہیں ۔ جس کے بعد ان لوگوں کی تبدیلیاں انتہائی ضروری ہو گئیں ہیں ۔ وزیراعظم عمران خان کسی کو بھی کرپشن ، نااہلی اور عوامی کاموں کو نہ کرنے والوں کیلئے کوئی گنجائش باقی نہیں ہے ۔
