اسلام آباد(مانیٹرنگ ڈیسک)شہر قائد میں5 شیر سڑک پر نکل آئے، جنگلی جانوروں کو آزادانہ گھومتا دیکھ کر شہریوں میں خوف وہراس پھیل گیا۔سوشل میڈیا پر وائرل ہونے والی ویڈیو میں دیکھا جاسکتا ہے کہ شیر گھر سے نکلنے کے بعد قریب واقع مدرسے میں داخل ہوگئے، شیروں کے گھر سے نکلنے اور مدرسے میں گھسنے پر اس جگہ پر موجود لوگوں میں بھگڈر مچ گئی۔جنگلی جانوروں کو باہر گھومتا دیکھ کر نجی سوسائٹی کے رہائشی گھروں
میں محصور ہو کر رہ گئے، سوسائٹی کے مکینوں نے مدد کیلئے فوراً پولیس کو اطلاع دی۔ اطلاع ملنے کے باوجود نہ تو بن قاسم پولیس جائے موقع پر پہنچی نہ ہی وائلڈ لائف کا عملہ۔دوسری جانب پی ٹی آئی رہنما عامر لیاقت نے ٹوئٹر پر لکھا کہ کراچی میں 5پالتو شیر باہر نکل آئے ،شیر گلشن حدید میں مدرسے میں گھس گئے ، آج شیروں کا برا دن ہے، پکڑے جائیں گے، انہوں نے مزید تفصیل بتاتے ہوئے کہا کہ یہ شیر ایک سیاسی رہنما نے پال رکھے تھے۔
