اسلام آباد(مانیٹرنگ ڈیسک)بانی پاکستان قائداعظم محمد علی جناح کے نواسے اسلم جناح کراچی میں انتقال کر گئے ۔ نجی ٹی وی کے مطابق 70 سالہ اسلم جناح کئی روز سے علیل تھے، مرحوم کی نماز جنازہ بعد نماز ظہر مسجد حبیبیہ انڈہ موڑ پر
ادا کی جائے گی جبکہ تدفین محمد شاہ قبرستان میں کی جائے گی۔ سیاسی و سماجی شخصیات نے قائداعظم محمد جناح کے نواسے اسلم جناح کے انتقال پر اظہار افسوس کیا، مرحوم کی مغفرت درجات کی بلندی اور لواحقین کیلئے صبر کی دعا کی ۔
