سکھر (این این آئی) خورشید شاہ کے خلاف آمدن سے زائد اثاثہ جات کیس میں سندھ ہائیکورٹ نے احتساب عدالت کا ضمانت پر رہائی کا فیصلہ کالعدم قرار دے دیا۔ سندھ ہائیکورٹ سکھر بینچ میں خورشید شاہ کے خلاف آمدن سے زائد اثاثہ جات کیس میں خورشید شاہ کی رہائی کے خلاف نیب کی درخواست کی سماعت ہوئی۔نیب درخواست کی سماعت کے دوران نیب پراسیکیوٹرکا کہنا تھا کہ خورشیدشاہ سمیت 18 افراد

پر ایک ارب 23 کروڑ روپے کا ریفرنس دائر ہے، ملزم گرفتار ہے، احتساب عدالت میں کیس بھی چل رہا ہے۔واضح رہے کہ احتساب عدالت نے17 دسمبر کو ریفرنس دائر نہ ہونیکی صورت میں خورشید شاہ کی ضمانت پر رہائی کاحکم دیا تھا۔احتساب عدالت نے 50 لاکھ مچلکوں کے عوض خورشید شاہ کو رہا کرنے کا حکم دیا تھا جس کے بعد نیب نیاحتساب عدالت کے فیصلے کو چیلنج کیا تھا۔