لاہور( این این آئی)وحدت روڈ کے علاقہ میں واقع اکیڈمی کے واش روم سے 18 سالہ نوجوان کی لاش برآمد ہوئی ہے ، پولیس نے فرانزک ٹیم کی مدد سے ضروری شواہد اکٹھے کرنے کے بعد لاش کو پوسٹمارٹم کیلئے مردہ خانے منتقل کر دیا ۔ بتایا گیا ہے کہ 18سالہ نعیم گزشتہ روز سے اکیڈمی سے لا پتہ تھا جس کی درخواست مقامی پولیس اسٹیشن میں بھی دی گئی تھی
جس پر رات گئے اغواء کا مقدمہ درج کر لیا گیا تھا ۔گزشتہ روز سویپر نے واش روم سے بچے کی لاش برآمد ہونے کی اطلاع دی جس پر پولیس اور فرانزک ٹیمیں موقع پر پہنچ گئیں جنہوں نے ضروری شواہد اکٹھے کرنے اور بیانات لینے کے بعد لاش کو پوسٹمارٹم کے لئے مردہ خانے منتقل کر دیا ۔ پولیس نے اکیڈمی کے ملازمین کو حراست میں لے کر تحقیقات شروع کر دی ہیں۔
