اسلام آباد (این این آئی)ایئرپورٹ کی لفٹ میں ایک نوجوان کی جانب سے خاتون کو مبینہ طور پر نازیبا حرکات کا نشانہ بنایا گیا ہے۔ نجی ٹی وی کے مطابق لفٹ میں نوجوان کی جانب سے نازیبا حرکتوں پر خاتون نے لفٹ میں شور مچانا شروع کر دیا ، لفٹ سے اترتے ہی نوجوان کو اے ایس ایف نے حراست میں لے لیا۔اسلام آباد ایئرپورٹ
ذرائع کے مطابق خاتون کی جانب سے اسلام آباد ایئرپورٹ کے ڈیوٹی ٹرمینل منیجر کو شکایت کی گئی تھی۔ایئرپورٹ ذرائع کے مطابق خاتون نے الزام لگایا کہ نوجوان نے مجھے لفٹ میں ہراساں کیا ہے۔ایئرپورٹ ذرائع کا کہنا ہے کہ خاتون کی شکایت پر نوجوان کو پولیس کے حوالے کردیا گیا ہے۔
