راولپنڈی(آن لائن) آرمی چیف جنرل قمر جاوید باجوہ سے مصری کمانڈر انچیف اور وزیر دفاع جنرل محمد احمدز کی محمد کی ملاقات، باہمی دلچسپی کے امور، دفاع اور سیکیورٹی کے شعبوں میں بات چیت کی گئی۔ بدھ کے روز آئی ایس پی آر سے جاری بیان کے مطابق مصری مسلح افواج کے کمانڈر انچیف اور وزیر دفاع نے وفد کے ہمراہ جی ایچ کیو کا دورہ کیا۔ مصری کمانڈر انچیف جنرل محمد احمد ذکی محمد
نے آرمی چیف جنرل قمر جاوید باجوہ سے ملاقات کی جس میں باہمی دلچسپی کے امور پر تبادلہ خیال کیا گیا ہے۔ دونوں رہنماوں نے دفاع اور سیکیورٹی کے شعبوں میں تعاون پر بھی بات چیت کی گئی جبکہ دفاعی پیداوار، تربیت اور انٹیلی جنس سمیت مختلف شعبوں میں تعاون بڑھانے پر اتفاق کیا گیا ہے مصری کمانڈر انچیف نے دہشتگردی کے خلاف پاک فوج کی کامیابیوں کی تعریف کی ہے۔
