راولپنڈی (آن لائن) راولپنڈی پولیس نے پی ایس یل میچوں کے دوران فول پروف سکیورٹی ٹریفک پلان جاری کر دیا ہے جس کے تحت ایلیٹ فورس، سپشیل برانچ اور لیڈیز پولیس سمیت راولپنڈی پولیس کے5ہزار افسران و جوان تعینات کئے گئے ہیں پاک فوج کی 1کمپنی اوررینجرز کی5کمپنیوں کے علاوہ آئی جی اور سپیشل پروٹیکشن یونٹ کی ریزر وسکیورٹی معاملات میں پولیس کی معاونت کرے گی

جبکہ شائقین کرکٹ کی سہولت کے لئے پارکنگ کے لئے جگہیں مختص کر دی گئی ہیں جس کے تحت تمام موٹر سائیکل یورالوجی سینٹر کی نئی عمارت میں جبکہ تمام گاڑیاں شکرپڑیاں پریڈ گراؤنڈ میں پارک کی جائیں گی جہاں سے سٹیڈیم تک 80بسوں پر مشتمل”شٹل سروس“ چلائی جائے گی میچ سے 1گھنٹہ قبل سٹیڈیم بند کر دیا جائے گا ٹیموں کی آمدورفت کے دوران میٹرو بس سروس عارضی طور پر معطل رہے گی جبکہ شمس آباد میٹرو سٹیشن مستقل بند رہے گا میچ کے وقت سکستھ روڈ سے فیض آباد تک مری روڈ پر ہر قسم کی آمدورفت معطل رہے گی جبکہ پورے مری روڈ کو کلوز سرکٹ کیمروں سے مانیٹر کیا جائے گاضرورت کے مطابق سکیورٹی پلان کو ریویو کیا جائے گا سٹیڈیم کے اطراف عمارتوں پر ماہر نشانہ باز تعینات کئے گئے ہیں مشکوک افراد اور اشیاء پر کڑی نظر رکھی جائے گی، کرکٹ میچ دیکھنے کیلئے آنے والے شائقین کو مخصوص راستوں سے ہی سٹیڈ یم میں جانے کی اجازت دی جائے گی، شائقین کرکٹ کو واک تھرو گیٹ، میٹل ڈیٹیکٹر سے چیک کرنے کے علاوہ باڈی سرچ کر کے اند ر داخل ہونے کی اجازت دی جائے گی، کھانے پینے والی اشیا سٹیڈیم میں لے جانے پر پابندی ہے، کرکٹ میچ دیکھنے کیلئے آنے والے شائقین کیلئے پارکنگ کے لئے جگہ مختص کی گئی ہے مختص جگہ کے علاوہ کسی قسم کی پارکنگ کی اجازت نہ دی جائے گی۔