سرگودھا(آن لائن) سرگودھا سمیت پنجاب بھر میں غیر حاضر ڈاکٹرز و عملہ کے خلاف نئی حکمت عملی نافذکر دی گئی،اب بغیر بتائے ایک چھٹی پر 15،دو یا دو سے زیادہ چھٹیوں پر 90یوم کے الاؤنسز کی کٹوتی علاوہ پیڈاایکٹ کے تحت کاروائی ہو گی،سیکرٹری صحت کی طرف سے ہدایت نامے کے مطابق سی ای اوز ہیلتھ اتھارٹیز کو

ہدایت کی گئی ہے کہ میڈیکل افسران سمیت تمام کیڈرز کے میڈیکل و نان میڈیکل عملے کی بغیر بتائے ایک چھٹی پربنیادی تنخواہ کے علاوہ پی ایچ ایس آر پی کے تحت ملنے والا15دن جبکہ دو یا دو سے زائد چھٹیوں پر 90دن کے الاؤنس کی کٹوتی کر کے ان کے خلاف پیڈا ایکٹ کے تحت کاروائی عمل میں لائی جائے۔

موضوعات:ڈاکٹرز و عملہ