کراچی(آن لا ئن ) وزیر ریلو ئے شیخ رشید نے کہا ہے کہ جو مرضی کر لیں حکومت اپنی آئینی مدت پوری کرے گی ،نواز شریف نے واپس نہیں آنا ،مریم نواز باہر نہیں جاسکتیں، فضل الرحمان نے دھرنا دیا تو دھر لیے جائیں گے، پی پی ،(ن) لیگ خاموش رہیں گی ،فرانزک میں ثابت ہو گیا آگ سلنڈر سے لگی،سندھ حکومت سے 5 نکات پر اتفاق ہو گیا ۔کے سی آر پر سندھ حکومت سے کوئی اختلاف نہیں، ملکر بنائیں گے ۔

بدھ کے روز کراچی میں وفاقی وزیر ریلوے شیخ رشید کی پریس کانفرنس کرتے ہوئے کہا کہ نواز شریف نے واپس نہیں آنا اور مریم نواز باہر نہیں جاسکتیں، اگر فضل الرحمان نے دھرنا دیا تو اس بار دھر لیے جائیں گے، پیپلزپارٹی اور نون لیگ کچھ نہیں کریں گی، کابینہ میں یہی فیصلہ ہوا مریم کو باہر نہ جانے دیا جائے۔ انہوں نے کہا فرانزک رپورٹ نے ثابت کر دیا ٹرین میں آگ سلنڈر سے لگی، رپورٹ نے ثابت کر دیا شیخ رشید ٹھیک کہتا تھا۔