اسلام آباد(این این آئی)وکیل کو بلیک میل کرنیوالی دوشیزہ کو جیل بھیج دیا گیا ۔ ترجمان پولیس کے مطابق ملزمہ سدرہ ریاض کو ایف آئی اے سائبر کرائم سیل نے گرفتار کیا،ملزمہ جوڈیشل مجسٹریٹ شائستہ کنڈی کی عدالت میں پیش کیا گیا ۔عدالت نے ملزمہ سدرہ کو جوڈیشل ریمانڈ پر اڈیالہ جیل بھیج دیا۔ ایف آئی اے حکام نے بتایاکہ ملزمہ ایڈووکیٹ اسد کو واٹس ایپ پر بلیک میل کرتی رہی،
ملزمہ وکیل کو اپنی برہنہ تصاویر بھیج کر 80 لاکھ روپے مانگتی رہی۔ایف آئی اے حکام کے مطابق ملزمہ کے قبضے سے موبائل فونز برآمد کر کے فرانزک لیب کے لیے بھیج دئیے گئے، ملزمہ وکیل کو رقم نہ دینے پر سنگین نتائج کی دھمکیاں بھی دیتی رہی۔ملزمہ کو جوڈیشل ریمانڈ پر اڈیالہ جیل بھیجنے کی استدعا کی گئی بعد ازاں عدالت ین جیل بھیج دیا گیا ۔
