لاہور( این این آئی) ایس ایس پی مفخر عدیل کیس میں اہم پیشرفت ہوئی ہے ،مفخر عدیل کے قریبی دوست اسد بھٹی نے شہباز تتلہ کے قتل ہونے کا انکشاف کردیا۔ ذرائع کے مطابق تفتیش کاروں نے شہباز تتلہ کے اغوا ء کی بجائے قتل کے زاویوں سے تفتیش شروع کردی ہے ۔ دوسری جانب پر اسرار طو رپر لا پتہ ہونے والے ایس ایس پی مفخر عدیل تاحال ٹریس نہیںہوسکے، تفتیش کاروں کو فیصل ٹائون کے
گھر سے کسی طرح کے شواہد نہیں مل سکے۔ ذرائع کے مطابقگھر کو پارٹی کے بعد پانی سے دھو کر اہم شواہد مٹا دیا گئے ۔ ذرائع کے مطابقشہباز تتلہ کا قتل ثابت کرنے کے لئے اکھٹے ہونے والے شواہد کم ہیں۔ ذرائع کے مطابق پولیس کی ٹیمیں مفخر عدیل کی گرفتاری کے لیے پنجاب سمیت بلوچستان میں چھاپے مار رہی ہیں لیکن انہیں تاحال کوئی کامیابی نہیںمل سکی۔
