لاہور (آن لائن) مسلم لیگ (ن) پنجاب کی ترجمان عظمیٰ بخاری اور عطاء تارڑ نے کہا ہے کہ سیاسی مخالفین کے گھروں کو نشانہ بنانا حکومت کا وطیرہ بن چکا ہے۔ حکومت نے عدالتی حکم کی خلاف ورزی کرتے ہوئے پناہ گاہ بنائی ہے۔حال ہی میں زمان پارک میں نیا گھر 8سے 10 کروڑ روپے میں تیار ہوا ہے۔اس کی رقم کس نے ادا کی بتایا جائے۔

خسرو بختیار کے اثاثوں میں 5 سو فیصد اضافی ہوا ہے۔اگر آرٹیکل 6 کی کاروائی ہو تو عمران خاں پر لگنی چاہیے۔وزیراعظم اداروں کے پیچھے چھپنا چھوڑ دیں۔شہباز شریف نے بہت جلد واپس آنا ہے۔ وہ اپنے بھائی کے ساتھ ہیں۔سابق وزیر خزانہ اسحاق ڈار کی رہائشگاہ کے باہر میڈیا سے گفتگو کرتے ہوئے عظمیٰ بخاری نے مزید کہا پناہ گاہ کے لیے ٹیوب ویل سے بجلی چوری کی جارہی ہے۔ہر ایک کے گھر کے باہر تماشہ لگانے کا شوق ہے زمان پارک زیادہ دور نہیں۔ہم ایسی سیاست نہیں کرنا چاہتے۔آٹا چینی بحران پر جو اداروں نے رپورٹ دی ہے اس کو پبلک کریں۔وزیراعلیٰ نے اپنے اختیارات سے تجاوز کرتے ہوئے 18 فوڈ افسران کے تبادلے کئیے گئے۔وزیراعظم کااپنے بنی گالہ سے باہر نکلنے کو دل نہیں کرتا لوگوں کی رہائش گاہ کے کو پناہ گاہوں میں تبدیل کیا گیا۔53 روپے کلو کی چینی 85 روپے پر گئی کس کو فایدہ ہوا؟وزیراعظم کو اس کا جواب دینا ہو گا۔انہوں نے مزید کہاآئی ایم ایف کا پیکیج سامنے لایا جائے کتنے میں قوم کو بیچا گیا۔ہر چیز پر ٹیکس دیتے ہیں جن کو ٹیکس دینا چاہیے وہ نہیں دیتے۔قوم کو کاروبار کی ضرورت ہے عمران نامی آدمی کے سرکاری ملازمت میں آتے ہیں پاکستان کا نظام تباہی ہوگیا ہے۔عطاء اللہ تارڑ نے کہاٹیکس کے پیسے کو سیاسی انتقام کا نشانہ بنانے کے لیے استعمال کیا جارہا ہے۔ہم نیب سے اس حوالے سے انکوائری کرانے کا مطالبہ کرتے ہیں۔شہزاد اکبر کا اس گھر کے دورے کا کیا مقصد تھا۔دو حکم امتناعی موجود ہیں کورٹ نے باقاعدہ طور پر حکم موجود ہے۔عامر کیانی کی ادویات کے حوالے سے انکوائری کہاں ہے۔