کراچی(مانیٹرنگ ڈیسک) کراچی میں تیسری شادی کرنے والے نوجوان کی پہلی بیوی کے صبر کا پیمانہ 4سال بعد لبریز ہو گیا، انصاف کا مطالبہ کر دیا ۔ تفصیلات کے مطابق تیسری شادی کرنے والے آصف کی پہلی اہلیہ مدیحہ نے میڈیا سے بات چیت کرتے ہوئے بتایا کہ اس کے شوہر کا دوسری لڑکیوں کے ساتھ بھی رابطے تھے یہ سب جاننے کے باوجود میں اپنے شوہر کے عیبوں پر پردہ ڈالتی رہی اور اپنے شوہر کی ہر حرکت کو 4سال تک در گزر اور برداشت کرتی رہی ۔ لیکن اب میں عدالت سے انصاف چاہتی ہوں ۔

مدیحہ نے بتایا کہ اس کے کام میں میرے شوہر کے دوست اور گھر والے بھی شامل ہیں کیونکہ تیسری شادی کے موقع پر سب وہیں موجود تھی جو میری شادی کے وقت بھی تھے ۔ پہلی اہلیہ نے الزام لگاتے ہوئے بتایا کہ آصف ہر دو سال بعد شادی کرتا ہے ۔ واضح رہے کہ کرچی کے علاقے نارتھ ناظم آباد بلاک ایل میں آصف نامی دلہے کو تیسری شادی کرنا گلے پڑ گئی تھی جب اس کی اہلیہ مدیحہ اپنے بچوں کیساتھ ولیمے کی تقریب میں آئی تھی ، بیوی نے اپنے شوہر کا ہر پول فلمی انداز میں کھولا تھا ۔