لاہور( این این آئی )ایس ایس پی مفخر عدیل کے لاپتہ ہونے کا معاملہ معمہ بن گیا،پولیس آفیسر کو اغواء کیا گیا یا خود غائب ہیں کی گتھی سلجھ نہ سکی ۔ ذرائع کے مطابق ایس ایس پی مفخر عدیل کے اہل خانہ کی جانب سے اغوا ء کی درخواست بھی جمع نہیں کرائی گئی۔
پولیس نے ایس ایس پی مفخر عدیل کی گاڑی نجی شاپنگ مال کے پارکنگ سے برآمد کر لی اوران کے موبائل کی آخری لوکیشن بھی جوہر ٹائون کی آئی ہے۔ ذرائع کے مطابق ایس ایس پی مفخر عدیل کی معاونت ان کے دوست کے اغوا ء میں پولیس کو درکار تھی ۔
