اسلام آباد(مانیٹرنگ ڈیسک)پنجاب کے شہر قصور کے نواحی علاقے سرائے مغل تھانہ کی حدود میں بھائی نے بہنوں کی طرف سے کھانا نہ دینے پر طیش میں آ کر دونوں بہنوں کو قتل کر دیا۔ تفصیلات کے مطابق بھائی نے جب بہنوں سے کھانا مانگا تو کھانا نہ دینے کی بات پر تکرار ہوئی جس پر بھائی نے دونوں بہنوں پر
بندوق تان لی اور دونوں پر گولیاں چلا دیں ،بہن مریم موقع پر ہی دم توڑ گئی جبکہ دوسری بہن کو فوری طور پر پتوکی ہسپتال لایا گیا جہاں وہ زخموں کی تاب نہ لاتے ہوئے دم توڑ گئی ۔ملزم کے خلاف باپ کی مدیت میں مقدمہ درج کر لیا گیا ، پولیس نے کارروائی کرتے ہوئے ملزم کو فوری گرفتار کر لیا ۔
