اسلام آباد( آن لائن ) پی ٹی ایم اور عوامی ورکرز پارٹی کے کارکنوں کی گرفتاری کا معاملہ پر کیس کی سماعت اسلام آباد ہائی کورٹ کے چیف جسٹس، جسٹس اطہر من اللہ نے کی عدالت نے چیف کمشنر ،آئی جی اور مجسٹریٹ غلام مرتضی چانڈیو کو ذاتی حیثیت میں 17 فروری کو طلب کر لیا دوران سماعت چیف جسٹس نے ریمارکس دیے کہ ہم اس کیس کو سب کے لیے مثال بنائیں گ
ے دوران سماعت چیف جسٹس نے ریمارکس دیئے کہ ڈپٹی کمشنر کے مطابق ڈیوٹی مجسٹریٹ غلام مرتضی چانڈیو نے مقدمہ درج کرنے کا کہا عدالت نے استفسار کیا کہ ڈیوٹی مجسٹریٹ بتائیں کہ انہیں جوڈیشل اختیارات کے استعمال سے کیوں نہ روک دیا جائے؟ عدالت نے ڈیوٹی مجسٹریٹ کو وضاحتی بیان حلفی جمع کرانے کی ہدایت کرتے ہوئے کیس کی سماعت سترہ فروری تک ملتوی کر دی ۔
