سرگودھا(این این آئی) سرگودھا کی تحصیل سلانوالی کے چک 129 جنوبی شاہین آباد میں 25 سالہ نوجوان کو ازار بند سے پھانسی لگا دی گئی اور ملزمان نعش ویرانے میں پھینک کر فرار ہو گئے۔پولیس نے مقتول کی نعش واردات کے دو یوم بعد برآمد کر کے پوسٹمارٹم کے لئے ہسپتال منتقل کر دی ہے۔زرائع کے مطابق چک 129 جنوبی میں 25 سالہ نوجوان کو دو یوم قبل شلوار سے ازاربند نکال کر گلے میں ڈال کر پھانسی دے دی گئی
اور نعش ویرانے میں پھینک کر ملزمان فرار ہو گئے۔مقتول کو کسی اور مقام پر قتل کے بعد نعش ویرانے میں پھینک دی گئی جسے تھانہ سلانوالی پولیس نے برآمد کر کے پوسٹمارٹم کے لئے ٹی ایچ کیو ہسپتال سلانوالی منتقل کر دیا تاہم ابھی تک نعش کی شناخت نہیں ہو سکی جبکہ مقتول کی کی جیب سے نسوار اور نیل کٹر کے علاوہ کوئی شناخت والی چیز نہیں ملی۔پولیس مصروف تفتیش ہے۔
