سرگودھا(این این آئی)سرگودھا ریجن کے نوجوان نے غیرت کے نام پر فائرنگ کر کے 18 سالہ بہن اور اس کے آشناء کو موت کے گھاٹ اتار دیا اور خود کو حوالہ پولیس کر دیا۔پولیس نے مقتولین کی نعشیں پوسٹمارٹم کے لئے ہسپتال منتقل کر کے تفتیش شروع کر دی ہے ۔ذرائع کے مطابق سرگودھا میانوالی روڈ کے قصبہ قائدآباد کے گاوں
اوکھلی موھلہ میں نوجوان عمیر آصف نے غیرت کے نام پر اپنی18سالہ بہن شہزینہ بی بی اور اس کے 23سالہ آشناء سلیم کوفائرنگ کرکے قتل کردیا اور خود گرفتاری دے دی پولیس نے مقتولین کی نعشیں پوسٹ مارٹم کے لئے ٹی ایچ کیو ہسپتال قائدآباد منتقل کر کے ملزم کے خلاف مقدمہ قتل درج کر لیا جس میں مصروف تفتیش ہے۔
