لاہور(نیوز ڈیسک)چیف جسٹس لاہور ہائی کورٹ نے ملازمین اور افسران کو بڑی خوشخبری سنا دی، انہوں نے عدالت عالیہ کے ملازمین اور افسران کا یوٹیلیٹی الاؤنس بڑھا دیا۔گریڈ 1 سے گریڈ 6 تک کے ملازمین کے لیے یوٹیلیٹی الاؤنس 3ہزار سے بڑھا کر 6 ہزار کر دیا گیا ہے۔رجسٹرار نے چیف جسٹس مامون رشید شیخ کی منظوری کے بعد نوٹیفیکیشن جاری کر دیا ہے۔ واضح رہے کہ
پنجاب حکومت نے اس سے قبل اپنے ملازمین کے یوٹیلٹی الاؤنس میں چار ہزار سے چودہ ہزار تک اضافہ کیا تھا۔ مسلسل بڑھتی ہوئی مہنگائی کے پیش نظر آئندہ مالی سال کے بجٹ میں تنخواہوں میں اضافے کے لئے تجاویز وزیراعظم عمران خان کو بھجوائی جائیں گی اس کے علاوہ ملازمین کو خصوصی الاؤنسز دینے کے حوالے سے بھی تجاویز دی جائیں گی۔
