لاہور( این این آئی) پیپلز پارٹی کے پنجاب اسمبلی میں پارلیمانی لیڈر حسن مرتضیٰ نے کہا ہے کہ عثمان بزدار نہ جانے کہاں کھوگئے ہیں جس کسی کو ملیں وہ پنجاب اسمبلی پہنچا دیں۔ ایک بیان میں انہوں نے کہاکہ عثمان بزدار نے پنجاب اسمبلی سے اعلان لاتعلقی کررکھا ہے ، اب تو ان کے اپنے اراکین بھی عثمان بزدار کی شکل بھول گئے ہیں، نہ جانے عثمان بزدارکہاں
کھو گئے ہیں اور ان کی اب تو تصویر ہی دیکھنے کو مل ملتی ہے۔ انہوں نے کہاکہ عثمان بزدار کی تلاش گمشدگی کا اب اشتہار اخبار میں دینا ہوگا، پارلیمنٹ کو اہمیت نہ دینے والوں نے اس کی ساکھ مجروح کی ہے ، عثمان بزدارنہ جانے کب سے پنجاب اسمبلی نہیں آئے ، ان کے پنجاب اسمبلی نہ آنے کی وجہ سے حکومتی اراکین میں سخت بے چینی پائی جاتی ہے اور یہ اراکین اضطرابی کیفیت میںمبتلا ہیں۔
