پشاور(این این آئی) کراچی آنے والی عوامی ایکسپریس ریت سے بھرے ٹرالر سے ٹکرا گئی تاہم تمام مسافر معجزانہ طور پر محفوظ رہے۔میڈیا رپورٹ کے مطابق پشاور کے قریب اضاخیل میں جلد باز ڈرائیور نے عین اس وقت اپنی ریت سے بھری ٹریکٹر ٹرالی کو پٹری کی دوسری جانب لے جانے کی کوشش کی جب کراچی آنے والی عوامی ایکسپریس وہاں سے گزر رہی تھی۔
نتیجے میں ٹرین ٹرالی سے ٹکرا گئی تاہم ڈرائیور کی مستعدی کے باعث بڑا حادثہ نہیں ہوا اور تمام مسافر محفوظ رہے۔حادثے کے دوران ٹریکٹر ٹرالی میں سوار تین افراد میں سے دونے چھلانگ لگادی جب کہ ایک شخص ایسا نہ کرسکا جس کے باعث وہ زخمی ہوگیا۔ زخمی کی شناخت الطاف کے نام سے ہوئی ہے اور اسے طبی امداد کے لیے لیڈی ریڈنگ ہسپتال منتقل کیا گیا ہے۔
