لاہور(این این آئی) لاہور سے لندن جانے والی پی آئی اے کی پرواز پی کے 757 میں مسافر اور عملے کے مابین جھگڑے کی ویڈیو سامنے آگئی ،مسافروں کو لندن پہنچتے ہی پی آئی اے کے عملے نے پولیس کے حوالے کر دیا ۔تفصیلات کے مطابق مسافر باسط قریشی اور فہد قریشی اپنے فیملی کے ہمراہ لاہور سے لندن جانے والی پی آئی اے کی 757میں سوار تھے جو بنا ادائیگی کے بلک ہیڈ نشست پر جا بیٹھے جس پر عملے نے سیٹیں خالی کرنے
کا کہا تو بات بڑھ گئی مسافروں نے سیٹوں کے اضافی پیسے بھی دینے سے انکار کیا اور عملے کو برا بھلا کہتے رہے جس ہر کیبن کریونے بھی مسافروں کو برا بھلا کہنا شروع کر دیا اور بات دھکم پیل تک جا پہنچی دیگر مسافروں نے معاملہ کو سنبھالا مگر جب پرواز لندن کے ہیتھرو ائیرپورٹ پر پہنچی تو پی آئی اے کی شکایت پر دونوں مسافروں کو ہیتھرو ائیرپورٹ پر گرفتار کرلیا گیا ۔بعدازاں لندن پولیس نے تفتیش کرنے کے بعد مسافروں کو رہا کر دیا ۔
