اسلام آباد (این این آئی)اسلام آباد بار ایسوسی ایشن ممبران کیلئے ختم نبوت حلف نامہ لازمی قرار دیدیا گیا ۔ جاری نوٹیفکیشن کے مطابق اسلام آباد بار کے مسلمان ممبران 31جنوری تک ختم نبوت حلف نامہ جمع کرائیں۔ نوٹیفکیشن کے مطابق ڈیفالٹرز کی ممبرشپ معطل کر کے لسٹ نوٹس بورڈ پر آویزاں کی جائیگی۔اسلام آباد بار کے جنرل سیکرٹری مرزا نبیل طاہر کی جانب سے نوٹیفکیشن کے مطابق نئے مسلمان ممبران کیلئے
ختم نبوت کے حلف نامے میں اپنا مذہب لکھنا لازمی ہوگا۔نوٹیفکیشن کے مطابق ممبرشپ کے خواہشمند غیر مسلم وکلا پر حلف نامے کا اطلاق نہیں ہوگا۔صدر اسلام آباد بار ایسوسی ایشن محمد ظفر کھوکھر کی زیر صدارت اجلاس میں فیصلہ کرلیا گیا ۔ نوٹیفکیشن کے مطابق چھ دسمبر 2019کے اسلام آباد بار کے جنرل باڈی اجلاس کے فیصلے پر عمل ہو گا،اسلام آباد بار ایسوسی ایشن ترمیمی رولز 2019 پر عمل درآمد ہو گا۔
