اسلام آباد (مانیٹرنگ ڈیسک) معروف اینکر پرسن سعید قاضی نے نجی ٹی وی پروگرام میں دعویٰ کرتے ہوئے کہا ہے کہ مریم نواز کی ناراضی کی وجہ سے لیگی رہنما و رکن قومی اسمبلی خواجہ آصف پارلیمانی لیڈر شپ سے مستعفی ہونے کے بارے میں سوچ رہے ہیں ۔ سعید قاضی کا کہنا تھا کہ پہلے چوہدری نثار بلی کا بکرا بنے اب سابق وفاقی وزیر خواجہ آصف آگئے ہیں ۔
کیونکہ ملبہ کسی نہ کسی پر تو ڈالنا ہے ، مریم نواز نے خواجہ آصف سے بول چال بھی بند کر دی ہے ۔ پروگرام میں موجود عارف حمید بھٹی کا کہنا تھا کہ مریم نوا ز خواجہ آصف سے ناراض ہونے کی بجائے اپنے والد میاں نواز شریف سے بات کریں ، خواجہ آصف تو پارٹی ورکر ہیں انہوں نے وہی کیا جس کا حکم انہیں اپنے لیڈر میاں نواز شریف نے دیا تھا ۔
