لاہور( این این آئی) پاکستان مسلم لیگ (ن) نے وفاقی وزیر فیصل واوڈا سے استعفے کے مطالبے کی قرارداد پنجاب اسمبلی سیکرٹریٹ میں جمع کر ادی ۔ رکن اسمبلی عظمی زاہد بخاری کی جانب سے جمع کرائی گئی قراردا دکے متن میں کہا گیا ہے کہ فیصل واوڈا نے ٹی وی پر قومی سلامتی کے ادارے کی تضحیک اور اسے متنازعہ بنانے کی کوشش کی ہے۔اپوزیشن جماعتوں نے
آرمی ایکٹ کے ترمیمی بل کی حمایت پارلیمنٹ کو مضبوط ،ادارے کو سیاست سے پاک رکھنے اورملکی حالات کے پیش نظر کی۔لیکن موجودہ حکومت قومی سلامتی کے ادارے کو متنازعہ بنانے کا کوئی موقع ہاتھ سے نہیں جانے دے رہی۔فیصل واوڈا جیسے لوگ عالمی سطح پر حکومت کیلئے شرمندگی کا باعث بن رہے ہیں۔ مطالبہ ہے کہ فیصل واڈافی الفور مستعفی ہوں ۔
