لاہور( این این آئی ) لاہورہائیکورٹ نے پولیس کی جانب سے شہر کے ٹاپ ٹین بدمعاشوں کی فہرست جاری کرنے کے خلاف درخواستوں پر سماعت کرتے ہوئے فہرست کے اجرا ء کے معاملے پر انکوائری کا حکم دیدیا۔ لاہورہائیکورٹ کی جسٹس عالیہ نیلم نے خواجہ عقیل احمد عرف گوگی بٹ، امیر بالاج ٹیپو اور منشا بم کی درخواستوں پر سماعت کی۔
فاضل عدالت نے دوران سماعت استفسارکیا یہ فہرست کیسے جاری ہو گئی،،اگر لسٹ موجود نہیں توکیسے ریڈ ہو رہے ہیں،ایسے لوگوں کو شوکاز دیں جنہوں نے یہ فہرست جاری کی۔ فاضل عدالت نے کہا کہ یہ شہریوں کی آزادی کا معاملہ ہے۔ جسٹس عالیہ نیلم نے آئی جی پنجاب کو فہرست کا اجراء ہونے پر15روز میں انکوائری کرکے خود رپورٹ پیش کرنے کا حکم دیدیا۔
