کراچی (سی پی پی)صوبائی سیکرٹری انسانی حقوق بدر جمیل پراسرار طور لا پتہ ہو گئے۔تفصیلات کے مطابق سیکرٹری انسانی حقوق سندھ بدر جمیل پراسرار طور لا پتہ ہو گئے اہل خانہ کا موقف ہے کہ بدر جمیل گذشتہ روز آفس گئے،اس کے بعد واپس نہیں آئے۔بدر جمیل کے ساتھ ساتھ ان کے ڈرائیور بھی لاپتہ ہیں جب کہ دونوں کے موبائل فون بھی بند جا رہے ہیں۔ایس ایس پی ساتھ شیراز نذیز کا کہنا ہے کہ بدر جمیل اور ان کے ڈرائیور کو تلاش کیا جا رہا ہے۔

بدر جمیل کی رہائش ضلع سائوتھ میں نہیں۔بدر جمیل کی رہائش ضلع ایسٹ کے پی ای سی ایچ ایس کے علاقے میں ہے۔انہوں نے مزید کہا کہ بدر جمیل کی لوکیشن ڈسٹرکٹ سنٹرل میں آئی۔پولیس کو آگاہ کر دیا گیا ہے۔جب کہ معاون خصوصی برائے انسانی حقوق سندھ کا کہنا ہے کہ میرے محکمے کا سیکرٹری کل سے لاپتہ ہے۔5 روز قبل اینٹی کرپشن نے بدر جمیل کے خلاف مقدمہ بھی درج کیا تھا۔بدر جمیل نے ایف آئی آر میں نامزدگی کے پیش نظر ضمانت کروا رکھی تھی۔