اسلام آباد (مانیٹرنگ ڈیسک)آرمی چیف جنرل قمرجاوید باجوہ نےآسٹریلین وائس چیف آف ڈیفنس فورسزڈیوڈ جانسٹن کو آسٹریلیا کے جنگلات میں لگی آگ بجھانے میں تعاون کی پیشکش کردی،آئی ایس پی آر کے مطابق آسٹریلین وائس چیف آف ڈیفنس فورسز وائس ایڈمرل ڈیوڈ جانسٹن نے جی ایچ کیو کا دورہ کیا، جہاں وائس ایڈمرل ڈیوڈ جانسٹن نے آرمی چیف جنرل قمرجاوید باجوہ سےملاقات کی۔ملاقات میں
باہمی دلچسپی اورعلاقائی سیکیورٹی صورتحال پر تبادلہ خیا ل ہوا ۔ آسٹریلین وائس چیف آف ڈیفیس فورسز ڈیوڈ جانسٹن نے خطے میں امن کے لیے پاک فوج کے کردارکو سراہتے ہوئے تعریف کی ۔ آرمی چیف نے ڈیوڈ جانسٹن کو آسٹریلیا کے جنگلات میں لگی آگ بجھانے کیلئے تعاون کی پیشکش کر دی ۔ آئی ایس پی آر کا کہنا ہے کہ آرمی چیف پہلے بھی جنگلات کی آگ بجھانے کے لیے تعاون کی پیشکش کرچکے ہیں۔
