اسلام آباد (مانیٹرنگ ڈیسک)وزیراعظم عمران خان کے بھانجے حسان نیازی گاڑی کو ٹھوکر لگنے پر شدید غصے میں آگئے ، گاڑی کی چابیاں نکال کر ڈرائیور پر شدید برہم ، دھمکیاں اور گالیاں دے دیں ۔ تفصیلات کے مطابق پی آئی سی حملہ کیس کے ملزم بیرسٹر حسان نیازی اپنی گاڑی کو دوسری گاڑی سے ٹکر لگنے پر شدید غصے میں آگئے ، دوسری گاڑی کی چابیاں نکال کر گاڑی کو لاتیں ماریں اور ڈرائیور کو گالیاں دھمکیاں دیں ۔ دونوں گاڑیاں

ایک ہی کلب میں داخل ہو رہی تھیں ، حسان نیازی کی گاڑی کیساتھ دوسری گاڑی کی ہلکی سی ٹکر ہو گئی تھی ۔ بتایا گیا ہے کہ وزیراعظم عمران خان بھانجے حسان نیازی نے دوبارہ بدلہ لینے کیلئے واپس گاڑی کو ٹھوکر ماری ۔ یار رہے کہ سینئر صحافی و کالم نگار حفیظ اللہ نیازی کے صاحبزادے حسان نیازی پی آئی سی میں وکلاء اور ڈاکٹرز کی ہنگامہ آرائی کے کیس میں بھی ملزم ہیں، جس کیلئے انہوں نے ضمانت کروا رکھی ہے ۔