لاہور( این این آئی) جمعیت علمائے اسلام کے سابق امیر حافظ الحدیث مولانا محمد عبداللہ درخواستی کے بڑے صاحبزادے اور جے یو آئی کے مرکزی رہنما مولانا فداالرحمن درخواستی انتقال کر گئے ۔مولامحمد امجد خان نے بتایا کہ مولانا فداالرحمن درخواستی کی نماز جنازہ آج بروزبدھ یکم

جنوری 2020 سٹی پارک خانپور ضلع رحیم یار خان میں ادا کی جائے گی اورتدفین دین پور شریف کے تاریخی قبرستان میں ہو گی ۔جے یو آئی کے امیر مولانا فضل الرحمن نے بزرگ عالم دین مولانا فداالرحمن درخواستی کے انتقال پر دلی دکھ کا اظہار کرتے ہوئے مرحوم کی دینی ملی اور تحریک کی خدمات پر انہیں خراج تحسین پیش کیا ۔مولانا فضل الرحمان نے مولاناحسین احمد درخواستی کے خاندان سے سے افسوس کا اظہار کرتے ہوئے ان کے لئے صبر کی دعا کی۔جے یو آئی کے سیکرٹری جنرل مولانا عبد الغفور حیدری ،حافظ حسین احمد ،اکرم خان درانی ،مولانا امجد خان اور دیگر رہنمائوںنے بھی مولانا فداالرحمن درخواستی کے انتقال پر دکھ اور غم کا اظہار کرتے ہوئے کہا کہ ان کے انتقال سے علما ء ایک شفیق عالم دین سے محروم ہو گئے ہیں۔ قوم مرحوم کی دینی ،جماعتی اورملی خدمات کومدتوں یاد رکھے گی۔علاوہ ازیں جے یو آئی کے سربراہ مولاناافضل الرحمان نے مرحوم کے اہل خانہ سے ٹیلیفونک رابطہ کر کے بھی اظہار تعزیت اور صبر جمیل کی دعا کی ۔