اسلام آباد(مانیٹرنگ ڈیسک)پٹواری کے عہدے کا نام تبدیل کرنے کا فیصلہ ،پٹواری کوویلج آفیسرکے عہدے کا نام دیا جائے گااوربھرتی پنجاب پبلک سروس کمیشن کے ذریعے ہوگی۔نجی ٹی وی کے مطابق لاہور میں وزیراعلیٰ پنجاب سردار عثمان بزدارکی زیر صدارت اجلاس ہوا،اجلاس میں محکمہ مال کی کارکردگی اورپنجاب لینڈ ریکارڈ اتھارٹی سے متعلقہ امور کا جائزہ لیا گیا،اجلاس میں پنجاب میں پٹواری کے عہدے

کا نام تبدیل کرنے کا فیصلہ کیا گیا، پٹواری کوویلج آفیسرکے عہدے کا نام دیا جائے گا،اجلاس میں فیصلہ کیا گیا کہ پٹواری کی بھرتی پنجاب پبلک سروس کمیشن کے ذریعے ہوگی، پٹواری کی بھرتی کے بعد 6ماہ کی تربیت لازم ہوگی۔حاضرسروس پٹواریوں کو11واں اورگردآورکو 14واں سکیل دینے کی تجویزپرغور کیا گیااجلاس میں وزیراعلیٰ پنجاب نے ویلج آفیسر کو لیپ ٹاپ دینے کی بھی منظوری دے دی گئی۔

موضوعات:پٹواری عثمان بزدار