کراچی(این این آئی)وزیراعلیٰ سندھ سید مراد علی شاہ نے سزا یافتہ قیدیوں کی عیدالاضحی اور 14 اگست کی خوشی میں سزائیں معاف کردیں۔ذرائع کے مطابق وزیراعلیٰ سندھ سید مراد علی شاہ نے عید الاضحی کی خوشی میں سزا یافتہ قیدیوں کی 60 دن کی سزا معاف کردی اور اسی طرح 14 اگست کی خوشی میں بھی سزا یافتہ قیدیوں کی 60 یوم کی سزا معاف کردی۔ ترجمان وزیر اعلیٰ سندھ کے مطابق اس حساب
سے سزا یافتہ قیدیوں کی 4ماہ کی سزائیں معاف کی گئی ہیں۔انہوں نے کہا کہ سزا کی معافی کا اطلاق ملک کے خلاف سازش، دہشتگردی، جاسوسی، زنا، قتل، اغوا، ڈکیتی کے قیدیوں پر نہیں ہوگا۔وزیر اعلیٰ سندھ مراد علی شاہ نے اس خصوصی سزا کی معافی پر فائدہ اٹھانے والے قیدیوں اور ان کے اہل خانہ کو مبارکباد دی اور کہا کہ مجھے امید ہے کہ سزا میں رعایت ملنے والے قیدی اپنی زندگی میں بہتری لائیں گے۔
