لندن (آن لائن) مسلم لیگ (ن) کے صدر شہباز شریف کی زیر صدارت اجلاس ہلٹر بازی کی نذر ہو گیا،لیگی کارکنان شہباز شریف کے سامنے پھٹ پڑے اور کہا کہ جب آپ اقتدار میں ہوتے ہیں تو ہمیں ملنا بھی پسند نہیں کرتے اور اب آپ چاہتے ہیں کہ ہم آپ کی کمپین چلا ئیں۔ تفصیلات کے مطابق شہباز شریف کی زیر صدارت لندن میں اجلاس ہوا، یہ اجلاس افطار سے 7 گھنٹے پہلے ہوا جس میں رمضان المبارک کے باوجود لنچ کا بھی اہتمام کیا گیا تھا،
اجلاس میں لیگی کارکن شہباز شریف کے سامنے پھٹ پڑے اور کہا کہ جب آپ اقتدار میں ہوتے ہیں تو ملتے بھی نہیں ہیں اور نہ ہی ہمارے ساتھ چائے پینا پسند کرتے اور اب آپ چاہتے ہیں کہ ہم آپ کے لئے کمپین چلائیں، اجلاس میں ہلڑ بازی بھی دیکھنے میں آئی اور صحافیوں سے بھی بد تمیزی کی گئی جس پر صحافیوں نے اجلاس کا بائیکاٹ کر دیا، اجلاس کے بعد وطن واپسی کے سوال پر شہباز شریف کوئی جواب دیئے بغیر ہی روانہ ہو گئے۔
