لاہور(آن لائن) سابق وزیرقانون پنجاب اور ن لیگی رہنما رانا ثنا اللہ نے کہا کہ پارٹی کی نئی ٹیم میاں شہباز شریف لائے ہیں اور وہ نوازشریف کے اوپنر بلے باز ہیں۔لاہور میں ن لیگی رہنماؤں نے ذرائع ابلاغ سے بات چیت کرتے ہوئے کہا کہ تمام صوبوں، ڈویژن  اور ڈسٹرکٹس میں ن لیگ کے کارکنوں کو متحرک کیا جائے گا اور نچلی سطح پر بھی تنظیم سازی کی جائے گی۔احسن اقبال نے مریم نواز کو نئی تنظیم میں ویلکم کیا اور کہا کہ وہ پہلے بھی پارٹی میں اپنا کردار ادا کر چکی ہیں۔

ان کا کہنا تھا کہ مریم نواز کو نائب صدرکا عہدہ دیا گیا ہے۔ ان کے سرگرم ہونے سے پارٹی کو تقویت ملے گی۔ احسن اقبال نے کہا کہ مسلم لیگ ن پاکستان کی سب سے بڑی جمہوری قوت اور اثاثہ ہے۔سابق وزیراعظم شاہد خاقان عباسی نے کہا شہبازشریف آج بھی پارٹی کے صدر ہیں۔ وہ آئندہ  چند روز میں واپس  آجائینگے گے۔رانا ثنا اللہ نے پریس کانفرنس میں کہا کہ موجودہ حکومت نے 8ماہ میں 3گنا مہنگائی کر کے عام آدمی کی زندگی مشکل کردی ہے۔ان کا کہنا تھا کہ کابینہ میں آئی ایم ایف کے ملازمین کو لایا جا رہا ہے۔ گورنر اسٹیٹ بینک کو بھی آئی ایم ایف کے کہنے پر ہٹایا گیا۔ آئی ایم ایف کے ملازمین کو ملک پر مسلط  کیا جا رہا ہے۔انہوں نے کہا کہ نوازشریف کو میڈیکل گراؤنڈ پر ضمانت ملنا ان کا حق تھا لیکن یہ عدالتی فیصلہ ہمارے لییمایوس کن ہے اور سب کو معلوم ہے سابق وزیراعظم کے ساتھ  ناانصافی ہوئی ہے۔عمران خان نے نوازشریف کی ضمانت سے3 دن پہلے ہرزہ سرائی کی اور عدالتوں پردباؤ ڈالنے کی کوشش کی۔ رانا ثنا اللہ کا کہنا تھا کہ نوازشریف کوضمانت میں نہ ملنا مایوس کن ہے۔ سابق وزیرعظم 7 مئی کو کوٹ لکھپت جیل منتقل ہوجائیں گے۔سابق وزیر داخلہ حسن اقبال نے پریس کانفرنس میں کہا کہ نیا بلدیاتی نظام غیرآئینی اورغیرقانونی ہے ن لیگ اس قدام کوعدالت میں چیلنج کرے گی۔ نااہل حکومت سے جان چھڑوانے کے لیے ن لیگ تحریک چلائی جائے گی اور فعال کردار ادا کرے گی۔احسن اقبال نے کہا کہ ہمارے گزشتہ 5سال میں گزشتہ25 سال سے زیادہ ترقی ہوئی۔ یکم اپریل2018 کے بعد ملک میں کوئی ترقیاتی سرگرمی نہیں ہو رہی اور نہ ترقیاتی منصوبوں کو فنڈز جاری کیے جا رہے ہیں۔ان کا کہنا تھا کہ اس سے پہلے آئی ایم ایف کے کہنے پروزیرخزانہ،گورنر اسٹیٹ بینک اور چیئرمین ایف بی آر کو نہیں ہٹایا گیا۔ پاکستان کو آئی ایم ایف کی کالونی بنایا جا رہا ہے۔