اسلام آباد (این این آئی) پاکستان کیلئے عالمی سطح پر اعزاز،پاکستان سیٹیزن پورٹل اپلیکیشن ورلڈ گورنمنٹ سمٹ میں دوسری پوزیشن حاصل کرلی ،87 ممالک سے 4 ہزار 646 اپلیکیشن مقابلے کے لئے بھیجے گئے۔فائنل مقابلے کے لئے 21 اپلیکیشنز کو 7 مختلف کٹیگریز میں منتخب کیاگیا۔ہر کیٹیگری میں تین تین اپلیکیشنز کے مابین مقابلہ کیا گیا۔پاکستان سیٹیزن پورٹل کا انتخاب سرکاری امور و عوامی فلاح و بہبود کے لئے بنائے گئے اپلیکیشن میں ہوا،پچھلے سال عالمی مقابلے کا فاتح انڈیا تھا۔ حکام کے مطابق مقابلے کے لئے شارٹ لسٹ ہونا بھی پاکستان کے لئے اعزاز کی بات ہے۔
پاکستان سیٹیزن پورٹل اپلیکیشن کو لانچ ہوئے ابھی 100 دن ہی گزرے ہیں جسے ابتدا ہی میں عالمی اعزاز حاصل ہوا۔پاکستان سیٹیزن پورٹل آئی ٹی شعبے میں دنیا بھر کے لئے ایک نیا موضوع بن گیا۔پاکستان سیٹیزن پورٹل گوگل پلے سٹور پر دنیا کے 7 بہترین ایپلیکیشنز کیٹیگری میں داخل ہوگیا۔رپورٹ کے مطابق پاکستان سیٹیزن پورٹل پراڈکٹیویٹی میں ساتویں نمبر پر ریکارڈ کیا گیا۔دنیا بھر سے لوگ پاکستان سیٹیزن پورٹل سرچ کررہے ہیں،عوام کی طرف سے ایپلیکشن کو 28 ہزار سٹارز ملے ہیں اب تک لاکھوں کی تعداد میں لوگوں نے رجسٹریشن کی ہے۔
