اسلام آباد(این این آئی) بیرون ملک مقیم پاکستانی کارکنوں نے مالی سال 19ء کے پہلے سات ماہ میں 12774.02ملین امریکی ڈالر وطن بھجوائے جبکہ گزشتہ برس اسی مدت میں 11383.47ملین ڈالر موصول ہوئے تھے۔تفصیلات کے مطابق جنوری 2019ء میں کارکنوں کی ترسیلات زر کی مالیت 1743.25ملین ڈالر رہی جو دسمبر2018ء کے مقابلے میں 0.3 فیصد کم جبکہ جنوری 2018ء کے مقابلے میں6.4 فیصد زائد ہے۔ بلحاظ ملک جنوری 2019ء کی تفصیلات سے پتہ چلتا ہے کہ سعودی عرب، متحدہ عرب امارات، امریکہ، برطانیہ، خلیج تعاون کونسل کے ملکوں(بشمول بحرین، کویت، قطر اور عمان) اور یورپی یونین

کے ملکوں سے بالترتیب 403.92 ملین ڈالر، 352.12ملین ڈالر، 272.32ملین ڈالر، 295.13ملین ڈالر، 166.50 ملین ڈالر، اور 42.89ملین ڈالر پاکستان بھجوائے گئے،جبکہ جنوری 2018ء میں ان ملکوں سے آنیوالی رقوم بالترتیب 383.91ملین ڈالر، 351.58ملین ڈالر، 223.94ملین ڈالر،235.10ملین ڈالر، 186.33ملین ڈالر اور 56.4 ملین ڈالر تھیں۔ جنوری 2019ء میں ملائشیا، ناروے، سوئٹزر لینڈ، آسٹریلیا، کینیڈا، جاپان اور دیگر ملکوں سے آنیوالی ترسیلات زر مجموعی طور پر 210.36 ملین ڈالر رہیں جبکہ جنوری 2018ء میں ان ممالک سے201.46 ملین ڈالر موصول ہوئے تھے۔

موضوعات:ترسیلات