اسلام آباد(وائس آف ایشیا) پاکستان نے برطانیہ سمیت 5 ممالک کیلئے پاکستان آمد پر ویزہ دینے کی سہولت کا اعلان کیا ہے۔ وزیراعظم کے خصوصی مشیر زلفی بخاری کے مطابق برطانیہ سمیت 5 ممالک کیلئے پاکستان آمد پر ویزا دینے کا اعلان کیا ہے۔ سعودی عرب، دبئی، ملائیشیا اور قطری کے شہری یکم مارچ سے اس سہولت سے فائدہ اْٹھا سکتے ہیں۔

زلفی بخاری کے مطابق برطانوی شہریوں کو آئندہ ماہ سے ویزہ آن ارائیول فراہم کیا جائے گا۔ یاد رہے کہ حکومت نے کچھ عرصہ قبل ہی نئی ویزہ پالیسی جاری ہے۔ جس میں ملک کی 70سالہ تاریخ میں پہلی مرتبہ 175 ممالک کے لئے ای ویزہ متعارف کروائی گئی ہے۔ سفارتی کارڈ کی مدت ایک سال سے بڑھا کر تین سال کردی ہے ، 50 ممالک کے لئے ویزہ آن ارائیول کی سہولت دے رہے ہیں۔ برٹش امریکن پاسپورٹ رکھنے والے بھارتی باشندوں کو ویزہ آن آرائیول کی سہولت ہوگی۔ پاکستان کی نئی ویزہ پالیسی کے تحت ایاٹا کے پاس رجسٹرڈ ٹور آپریٹر زاستفادہ حاصل کرسکیں گے اور دنیا بھر سے گروپوں کی صورت سیاح پاکستان لا سکیں گے۔اس سے قبل سفارتی کارڈ کی مدت ایک سال تھی جسے بڑھا کر تین سال کردیا گیا ہے۔ تبلیغ کے لئے ویزہ کی مدت 45دن جبکہ افغانستان سمیت دیگر اسلامی ممالک سے آنے والے طلبہ جو ڈگری سطح کی تعلیم کے لئے آتے ہیں ان کو 2سال کا ویزہ جبکہ ماسٹر سطح پر تعلیم کے لئے آنے والوں کو 4سال کے لئے ویزہ دیا جائے گا۔انہوں نے کہا کہ نئی ویزہ پالیسی سے سیاحوں کو آزاد کشمیر ، گلگت بلتستان اور اوپن کنٹونمنٹس جانے کے لئے این او سی لینے کی ضرورت نہیں ہوگی۔ صحافیوں کے لئے ویزہ کی سہولیات وزارت اطلاعات ونشریات دے گی۔ ملائیشیا کیلئے ویزہ میں نرمی کا اعلان کیا گیا ہے۔

موضوعات:ویزہ