ساہیوال(یوپی آئی)سانحہ ساہیوال میں گرفتار سی ٹی ڈی کے چھ اہل کاروں کو سپیشل جج انسداد دہشت گر دی کورٹ ساہیوال ملک شبیر حسین اعوان کی عدالت میں پیش کر دیا گیا ،جے آئی ٹی کی در خواست پر عدالت نے 15یوم کے جسمانی ریمانڈ کی منظوری دے دی اور حکم دیا کہ ملزموں کو دوبارہ 21فروری کو عدالت میں پیش کیا جائے ۔گرفتار ملزموں صفدر حسین،رمضان،احسن خاں،حسنین اکبر،سیف اللہ عابد اور ناصر محمود کو پولیس کی بکتر بند گاڑی میں لایا گیا ۔سیکیورٹی کے
سخت انتظامات کئے گئے تھے۔سی ٹی ڈی کے اہل کاروں کو19جنوری کو جی ٹی روڈ پر پل55کے قریب کار پر فائرنگ کر کے چونگی امر سدھو کے شادی پر بورے والا جانے والے ایک ہی خاندان کے مہر خلیل احمد،اسکی بیوی نبیلہ اور13سالہ بیٹی اریبہ اور کار ڈرائیور ذیشان کو گولیاں مار کر قتل کر دیا تھا جس کا پولیس یوسف والہ نے 20جنوری کو مقدمہ324,302ت پ اور7انسداد دہشت گر دی ایکٹ درج کیا تھا اورجے آئی ٹی وزیرا عظم کے حکم پر بنائی گئی تھی۔
